Kom og lær at selja!
Vit leita eftir trimum lærlingum til Bygma Balslev!
Hevur tú hug at arbeiða í einum virki har tú fær ábyrgd frá fyrsta degi, og har tú fært veruligt innlit í sølu, innkeyp, vøruviðgerð og kundatænastu? So er hetta kanska akkurát nakað fyri teg!
Vit vænta nógv av okkara lærlingum – og vit lova eisini at geva nógv aftur. Tú verður ein týðiligur partur av okkara toymi og fært møguleikan at hava egi øki, sum tú sjálv/ur hevur ábyrgd av – við uppfylling, bílegging og útsjónd. Vit hjálpa tær sjálvandi væl í gongd.
Størvini eru tvey lærupláss í Byggibúðini og eitt lærupláss í Timburdeildini.
Tú fært eina útbúgving við góðum framtíðarmøguleikum, arbeiðir saman við dugnaligum og hjálpsomum starvsfeløgum – og tí tú verður ein týdningarmikil partur av einum nútímans virki í vøkstri.
Nógv! Tú fert m.a. at læra um:
- Søluteknikk og kundasamskifti
- Byggitilfar av ymsum slag, amboð og annað praktiskt
- Goymslustýring, logistikk og innkeyp
- Marknaðarføring og framseting av vørum
Starvsstaðurin er hjá Bygma Balslev í Hoyvík og arbeiðstíðin er 40 tímar um vikuna.
Tú skalt eisini nakrar ferðir á skúlabonk í Danmark – alt eftir hvussu útbúgvingin verður skipað. Samlaða lærutíðin er áleið 2 ár um tú hevur miðnámsútbúgving. Tú fært løn undir allari útbúgvingini. Lønin er góð og er eitt vet hægri enn lærusáttmálin hjá S&K annars hevur.
Tað starvast 80 fólk hjá Bygma Balslev og vit hava deildir í Hoyvík og í Suðuroy. Bygma Balslev selur tilfar og amboð til nýbygging og umbygging. Í løtuni eru seks lærlingar.
Spurningar til læruplássini í Byggibúðini kunnu setast til Birnu Sandoy, leiðara í Byggibúðini á tel. 345046 ella til bse@balslev.fo.
Spurningar til læruplássið í Timburdeildini kunnu setast til Helga D. Michelsen, leiðara í Timburdeildini á tel. 345076 ella til hdm@balslev.fo.
Spurningar til setanartilgongd, starvsviðurskifti sum heild kunnu setast til Karlu Egholm, starvsfólkaleiðara á tel. 345060 ella til ke@balslev.fo.
Tú kanst sjálvandi eisini senda tína umsókn og relevant prógv umvegis teldupost til ke@balslev.fo.
Danskt
Føroyskt
Enskt
