Faroe Ship

Faroe Ship varð sett á stovn í 1919 og er framvegis ein hin fremsta shipping og flutningsfyritøka í Føroyum. Faroe Ship er partur av Eimskip samtakinum, sum er leiðandi flutningsfyritøkan í Norðuratlantshavi. Eimskip veitir sjóvegis flutningstænastur við sambondum til altjóða marknaðin við serligum denti á frystar og køldar vørur. Eimskip hevur fleiri enn 1.700 starvsfólk býtt á 4 heimspartar og 20 lond, av hesum eru um 100 starvsfólk knýtt at Faroe Ship. Faroe Ship hevur goymslur og terminalar í Klaksvík, á Tvøroyri og Tórshavn, har eisini høvuðsskrivstovan er. Harafturat hesum hevur Faroe Ship ein væl útgjørdan bilaflota, sum tryggjar innlendis flutning um alt landið. Faroe Express og Faroe Ship Agency eru samantvinnaðir partar av Faroe Ship.