BLOMSTURDEKORATØRUR

BLOMSTURDEKORATØRUR TIL VÁRPERLU Á GLYVRUM

Vit eru flutt inn í nýggjar og flottar karmar í Borg á Glyvrum, og vit mangla teg.

Tú ert kreativ/ur, dámar væl at brúka tít hugflog og ráðgeva viðskiftafólki viðvíkjandi keypi av blómum, plantum, prýðislutum og øðrum.

Tú arbeiðir sjálvstøðugt, trívist við avbjóðingum og at hava nógvar bóltar í luftini í senn.

ARBEIÐSUPPGÁVURNAR

Tú hevur samband við nógvar ymiskar kundar og grundleggjandi verða uppgávurnar hjá tær at:

• Taka ímóti okkara viðskiftfólki, sum koma inná gólvið
• Ráðgeva í keypi av blómum, plantum og planturøkt
• Binda blómutyssi, gera samanplantingar, gávukurvar, v.m.

Hvør ert tú?

Vit vænta, at tú:

• Elskar at vera kreativ/ur og brúka títt hugflog
• Ert útvend/ur og dámar at arbeiða við menniskjum
• Ert framsøkin og vilt mennast bæði fakliga og persónliga
• Ert skipað/ur

Hvat kunnu vit bjóða tær?

Eitt starv í eini fjølbroyttari og spennandi fyritøku við góðum starvsfelagum og góðum samanhaldi. Starvstaðurin er í Várperlu á Glyvrum. Ynskir tú at vita meira um starvið, ert tú vælkomin at seta teg í samband við Annu tlf. 213012.

Send okkum tína umsókn, lívsrensl og møgulig prógv og ummæli umvegis alfred ella á hr@borg.fo og viðmerk ‘Starv í Várperlu’. Starvið verður sett skjótast gjørligt.

Vit gleða okkum at hoyra frá tær.