Skrivari til Hoyriklinikkina á Landssjúkrahúsinum

Hoyriklinikkin á Landssjúkrahúsinum søkir eftir einum skrivara at byrja 1. oktober, ella so skjótt sum til ber. Talan er um eitt fast starv á starvsbrøk 0,8.

Um Hoyriklinikkina

Hoyriklinikkin heldur til á Oyrna-, nasa- og hálsdeildini á Landssjúkrahúsinum. Hoyriklinikkin veitir kanningar og viðgerðir til børn og vaksin við niðursettari hoyrn og trupulleikum við tinnitus. Harumframt veita vit tænastu til fólk við BAHA-tólum og CI (cochlear Implant), og gera hoyriscreeningar av øllum nýføðingum.

Arbeiðsuppgávur í høvuðsheitum

Sum skrivari á Hoyriklinikkini kemur tú at arbeiða fyri ta audiologiska toymið og í tøttum samstarvi við aðrar skrivarar og læknaskrivarar á Skurðdeplinum.

Uppgávurnar eru fjølbroyttar og fevna m.a. um:

• Móttøku av sjúklingum
• Samskipan av kalendara
• Samskifti við sjúklingar og avvarðandi
• Journalarbeiði/journalisering
• Bílegging av tólum o.ø.
• Postavgreiðsla
• Bóking av rokningum
• Annað fyrifallandi arbeiði

Skipanir, ið verða nýttar eru Cosmic, Outlook, Office-pakkin og Noah4.

Førleikakrøv

• Skrivstovuútbúgving ella aðra viðkomandi útbúgving
• Góðan telduførleika

Vit vænta, at tú

• Arbeiðir skipað og sjálvstøðugt
• Ert røkin og hevur eyga fyri smálutum
• Hevur góð samstarvsevni og trívist í tvørfakligum samstarvi
• Hevur jaligan hugburð
• Trívist í einum skundmiklum gerandisdegi

Vit bjóða

• Eitt spennandi og fjølbroytt starv
• Fakliga kompetentar og virknar starvsfelagar
• Góða upplæring í starvinum
• Felags innleiðslu

Lønar- og setanartreytir sambært sáttmála millum Fíggjarmálaráðið og Starvsfelagið.

Nærri upplýsingar um starvið fáast við at venda sær til Hjørdis í Liða, audiologist, tlf. 252727 ella á hjordis@ls.fo, ella til Ann Ellefsen, deildarleiðara, á annel@ls.fo.

Her kanst tú lesa um okkara visjón, missión og strategimál.